長者牙科｜植牙、假牙與全口重建評估

點解60歲之後更加要正視口腔健康？

根據衞生署《2021年口腔健康調查》，本港65至74歲非院舍長者約有一半佩戴假牙，接近一半有未經治療的蛀牙，四分之一有較深牙周袋。呢啲問題唔會自己好返，但及早評估，通常選擇會多好多。

長者口腔問題嘅特點係「連鎖」：牙周病令牙齒鬆動、缺牙令咀嚼變差、咀嚼變差影響食物選擇，而長期病同藥物（例如引致口乾嘅藥物）又會令蛀牙同牙肉問題加快。所以我哋主張先做一次整體評估，睇清楚全局，而唔係逐忽逐忽咁補救。

基礎護理同樣重要：定期洗牙及牙周護理，係長者維持口腔穩定嘅第一步。

年紀大就唔好搞？其實有三條路

好多家庭以為只有兩個選擇：做大手術，或者等。實際上長者牙科有三個層次，按身體狀況、意願同生活質素目標去揀：

• 舒緩與控制：處理疼痛同感染，控制牙周病，令口腔穩定落嚟——有時呢一步已經係最合適嘅選擇。
• 保存與功能:盡量保留自己嘅牙齒，修復可以修復嘅，恢復基本咀嚼功能。
• 重建：身體條件同口腔基礎合適時，先考慮較完整嘅缺牙修復或全口重建。

評估唔等於一定要接受大型療程。初診嘅目的係了解狀況同選擇，決定權喺長者同家人手上。

全口重建係咪等於全口拔牙再植牙？

唔一定。全口重建是按牙齒、牙周、咬合及缺牙情況作整體評估後制定的治療安排，並不代表一定需要拔走所有牙齒或接受全口植牙。

可以保留的天然牙齒亦會納入評估。實際治療可能涉及牙周治療、牙冠、牙橋、活動假牙、植牙，或不同方式的組合。具體方案須經臨床檢查及相關影像評估後，按患者的實際情況決定。

有長期病、食開藥，可以做牙科治療嗎？

不少長者即使有長期病或需要長期服藥，經適當評估及醫療協調後，仍可接受所需的牙科治療。實際安排須視乎身體狀況、所服藥物及治療種類而定。對於有糖尿病、正服用抗凝血／抗血小板藥物（俗稱「薄血藥」）、或有心臟病或中風病史的長者，我們會先審視病史及藥物，需要時與主診醫生溝通，再制定合適的治療安排。

詳細解釋請睇：糖尿病、薄血藥、心臟病長者可以植牙剝牙嗎？長者牙科安全評估

老人家冇牙、缺牙，點算好？

缺牙修復主要有四個方向：活動假牙、牙橋、植牙同植體覆蓋式假牙，各有適合嘅情況——冇「一定要植牙」，亦冇「年紀大就只可以戴假牙」呢回事。

四個方案嘅詳細比較：長者缺牙點揀：假牙、牙橋定植牙？

亦可參閱我哋嘅假牙、牙橋及鑲牙服務，當中有各種假牙與牙橋方案嘅詳細比較同臨床個案記錄。

由個別缺牙到需要全口假牙或全口重建的情況，都可以在同一次評估中一併規劃。

第一次長者牙科評估會睇啲乜？

長者的牙科問題往往涉及多個因素。首次評估一般會按實際需要了解：

• 現有牙齒及牙周狀況
• 缺牙位置及咬合情況
• 現有假牙、牙橋或植牙的情況
• 主要不適，例如疼痛、鬆動或咀嚼困難
• 長期病史及正在服用的藥物
• 有需要時進行相關X光或影像檢查
• 哪些問題需要優先處理，哪些可以分階段處理
• 患者本人希望改善的功能及生活需要

評估的目的不是預設患者一定要接受大型療程，而是先了解整體情況，再討論適合的處理方向。

幫父母睇牙：子女可以點做？

不少時候，搜集資料、預約及陪診的都是子女。子女或照顧者可以家人身份WhatsApp查詢及代長者安排預約。初診前準備好以下資料，評估會順利得多：

• 藥物清單（影低藥袋／藥盒最方便）
• 已知病史同藥物敏感
• 父母而家最困擾嘅口腔問題（痛？鬆？食嘢困難？）
• 舊X光片或牙科紀錄（如有）
• 陪診安排：在患者同意下，家人可以陪同診症，一同了解醫生對口腔情況及治療安排的解釋

初診後醫生會清楚講解治療選項、緩急次序及費用，讓長者與家人可以慢慢商量，不必當場決定。我們建議家中負責決策的成員盡量一同出席，與牙醫共同了解治療安排；如因工作或其他原因未能出席，可另約時間，或再向團隊查詢。有任何疑問，歡迎再預約或WhatsApp聯絡我們的團隊，待完全清楚後才作決定。

療程較長、特別緊張，有冇支援？

荃灣另設持牌牙科日間醫療中心（DPC），與牙科中心屬不同設施。有需要的個案經臨床評估後，可在該中心由註冊麻醉科專科醫生全程監測下進行靜脈鎮靜（MAC/IV）牙科治療；如臨床評估認為需要全身麻醉，牙醫可安排於獲認可的私立醫院進行。鎮靜唔係長者嘅預設安排——係咪需要，會喺評估時同你商量。詳情：牙科麻醉及鎮靜服務

主要資料來源

• 香港特別行政區政府衞生署《2021年口腔健康調查》：官方資料

最後更新：2026年8月