修復齒科 / 復修齒科 
蛀牙問題係無論男女老幼都有可能要經歷嘅痛苦，如果唔盡快進行治療，有可能會引起更多併發症，而治療蛀牙一般最常見嘅方法可以分為補牙以及杜牙根兩種，由專業牙醫根據蛀牙嘅嚴重程度判斷合適嘅治療方法。決定補牙之前，關於補牙物料嘅選擇、補牙過程、補牙後嘅照護等相關知識，你是否已有足夠認知？
補牙與杜牙根有何分別？
大家普遍認為有蛀牙就要去補，其實有效嘅治療方法，係要視乎蛀牙嘅嚴重程度而定。如果情況不太嚴重，可將蛀牙部分鑽除再用補牙材料填補；但若蛀牙範圍較大，感染狀況較嚴重時，就要藉由杜牙根手術去徹底清除牙髓腔內的感染；當蛀牙已到最嚴重嘅地步，就要選擇拔牙。
為何需要補牙？
蛀牙不但會為患者帶嚟疼痛感，由於牙齒本身並無自我修復功能，如果未及時進行補牙，則會造成牙髓腔外露，誘發牙髓疾病。而補牙嘅作用就在於重建患牙健康，阻止蛀牙嘅進一步發展，避免最終導致拔牙嘅結果。
補牙物料挑選指南
市面上可選擇嘅補牙物料十分多，到底邊一種最適合你？唔洗急，可以參考以上為大家整理出四種市面常見補牙物料嘅特性、成分、優缺點分析，再慢慢作考慮。
要挑選最適合自己嘅補牙物料，可以根據其硬度、耐磨性、美觀度、費用等方面作考慮，除此之外，最重要嘅當然係根據蛀牙嘅情況聽從專業牙醫嘅建議。
補牙後如何照護
千萬唔好以為做完補牙就一勞永逸，如果無得到適當嘅後續照護，牙齒一樣有可能受到損害。以下帶大家認識補牙後嘅注意事項及照護方法：
- 補完牙三天內應避免立即咀嚼硬物，以免材料發生變形甚至遭到破壞。
- 補牙後如出現輕微疼痛，可先自我觀察。如疼痛非但不減輕，反而進一步加重，就應該及時去醫院複診檢查，以查明病因，消除疼痛。
- 補牙後蛀牙問題雖得以控制，但如果繼續忽視口腔清潔，蛀牙仍然有可能發生。所以日常生活中應注意早晚刷牙，飯後漱口，做好口腔嘅衛生保健，以及聽從醫囑，定期複診及進行口腔檢查。
- 為保護補牙後嘅牙體，應盡量避免用修復體咬硬物，並應少飲濃茶，少抽菸，忌用金屬。
維護口腔健康，定期向你的專業家庭牙醫查詢
以上是有關補牙嘅相關知識，如果想了解更多有關補牙以及杜牙根相關嘅問題，或目前有補牙嘅需求，建議詳細最好向專業牙醫諮詢，根據具體情況作正確診斷。若想得到更全面而徹底嘅治療，可向信任嘅牙醫尋求協助。
提提你 - 你有權按自身需要選擇不同的牙科醫生，建議你參閱已上載於香港牙醫管理委員會的官方網頁上的註冊牙醫名單作出最符合你個人需要的選擇。以上内容旨在向你簡單介紹相關牙科程序的性質及影響，讓你在選擇牙醫及相關治療方法的時候能夠作出知情的決定。所有治療方法均有利有弊，關鍵是你必須對不同治療方法及程序有基本認識及了解相關風險。同時，以上內容不代表任何牙醫或牙科機構的專業意見或觀點，為你的健康著想，請向你的家庭牙醫尋求正式醫療意見。
#蛀牙 #補牙 #杜牙根 #根管治療 #牙髓腔外露 #誘發牙髓疾病
