兒童牙科

兒童牙科保健有幾重要?4大招教你保護小朋友牙齒!

現今香港人愈來愈注重牙齒保健,而作為家長嘅你,當然亦希望透過兒童牙科保健為小朋友帶嚟一口健康嘅牙齒。但小朋友總係叫住要食糖或甜食,又唔鍾意刷牙,想帶佢去牙科保健,但莫講話踏入診所一步,可能連屋企門都唔肯出!長久落嚟,唔健康嘅飲食以及口腔衛生習慣,令小朋友患上蛀牙嘅機率大大提高,父母真係好頭痛!不過唔洗緊張,只要透過良好並正確嘅預防方法、定期進行兒童牙科保健,蛀牙問題絕對可以被消滅。

守護兒童牙齒,必須學懂的四大日常護理方法

兒童牙科日常護理

一、溫水清潔

千其唔好以為寶寶尚未生出乳牙之前就無需清潔口腔,其實喺寶寶每次飲完奶或任何進食後,都應該要用溫水徹底清潔,而夜晚瞓教前則應用一次性嘅無菌紗布沾上溫水為寶寶清潔牙床。

二、指套或軟毛刷牙

當寶寶陸續開始生牙齒後,就應該要開始為佢刷牙。由於6個月左右寶寶已經會進食輔食品,若無徹底清潔,就會因為食物殘渣中含有嘅澱粉同蔗糖,被細菌分解產生酸而附於牙齒上最後形成蛀牙。

為咗唔傷害寶寶口腔,刷牙時應該使用指套或嬰兒專用軟毛牙刷,擠上米粒大小嘅含氟牙膏,頻率為每日早晚各一次,而兩歲左右後更可以使用牙線,清除牙縫間嘅牙菌斑。

三、嚴格管理兒童飲食習慣

有部分寶寶會有飲「夜奶」習慣,容易形成「奶瓶齲」,即「奶瓶蛀牙」;年齡稍大嘅小朋友鍾愛甜食眾所皆知,日日食糖、蛋糕、又飲果汁汽水,想唔蛀牙都難。作為家長,若果唔想小朋友受蛀牙之苦、以後花大錢做假牙、植牙或戴牙套,就應該從小開始照顧好牙齒。而對於小朋友嘅飲食習慣父母責無旁貸,絕對唔可以因為一時心軟而有所縱容。

四、塗氟治療

有啲小朋友即使有良好刷牙習慣仍然有機會不幸患上蛀牙,而塗氟治療則可以一勞永逸解決問題。塗氟治療係指用一種含氟嘅物質對每一顆牙齒表面進行氟化處理,抑制牙齒硬組織嘅溶解,從而抑制細菌生長,降低蛀牙發生率。

「塗氟」:兒童牙科保健最好的防蛀牙方法

甚麼是塗氟?

塗氟二字可能對一般人嚟講比較陌生,事實上外國早已實行多年,成為兒童牙科常規保健嘅一環。「塗氟治療」指嘅係為牙齒塗上氟保護漆,亦即係為牙齒著一件防蛀牙的保護衣,為牙齒局部提供較高濃度的氟,增強牙齒的抗蛀能力,令牙齒有自我清潔能力,抵抗力增強。

塗氟治療有何重要?

  1. 抑制有害細菌:直接抑制口腔入面細菌生長所需要嘅能量代謝,令細菌生長、代謝紊亂或停止。
  1. 增強牙齒抵抗力:可降低牙釉質表面溶解度,增強對酸嘅抵抗力。
  1. 堅固牙齒:為小朋友新生出嘅牙齒加強鈣化。
  1. 修復蛀牙:如果小朋友乳牙出現早期蛀牙,塗氟後可有再鈣化嘅作用,亦即可以修復蛀牙。

守護小朋友口腔健康,兒童牙科保健要做好

兒童牙科保健

作為父母嘅你,當然想時時刻刻守護你嘅寶貝各方面健康狀況。除咗一般身體檢查外,緊記維持小朋友嘅口腔健康亦十分重要。如果想了解更多有關兒童牙科保健或任何牙齒健康嘅相關問題,建議詳細最好向專業牙醫諮詢。若想得到更全面更個人化嘅建議或治療,可向信任嘅牙醫尋求協助。

立即預約求診,等專業團隊為你提供全面嘅家庭牙科護理服務!

延伸閱讀:

甩牙是否需要做鑲牙?一文解釋及比較鑲牙方式、效果與價錢 

杜牙根一定要整牙套嗎?杜牙根前你必須知道的知識 

0 replies

Leave a Reply

Want to join the discussion?
Feel free to contribute!

發表回覆

你的電郵地址並不會被公開。 必要欄位標記為 *